Қозоғистонда жамоат жойларида ниқоб ва юзни беркитиш тақиқланди

Қозоғистон президенти Қасим-Жомарт Токаев жамоат жойларида юзни тўлиқ беркитадиган кийимларни, жумладан, ниқоб тақишни тақиқловчи ҳужжатни имзолади.

Янги қонунга мувофиқ, жамоат жойларида юзни таниб бўлмайдиган даражада беркитиш мумкин эмас. Бу чеклов диний сабабларга асосланган ҳолда ниқоб, бурқа ва шунга ўхшаш кийимларни қамраб олади.

Расмийлар бу чора жамият хавфсизлиги ва шахсни аниқлаш имкониятини таъминлаш мақсадида жорий этилганини таъкидламоқда.