Қозоғистонда ҳарбийларнинг Каспий денгизига оқиб кетиши муносабати билан миллий мотам эълон қилинди

Қозоғистон президенти Қосим-Жўмарт Тўқаев Манғистау вилоятида ўтказилган машғулотлар чоғида ҳарбий хизматчилар ҳалок бўлгани сабабли 25 сентябрни мамлакатда умуммиллий мотам деб эълон қилди, дея хабар берди Оқўрда.

Воқеа бугун Каспий денгизи соҳилида ўқув-жанговар вазифани бажариш вақтида юз берган. Об-ҳавонинг кескин ёмонлашиши ва шамол кучайиши оқибатида тўлқин ҳарбий хизматчиларни денгизга олиб кетган.

Маълумотларга кўра, денгизга 19 нафар ҳарбий оқиб кетган. Улардан 3 нафари қутқарилган, 12 нафар ҳарбийнинг ҳалок бўлгани қайд этилган. Бедарак йўқолган ҳарбийларни қидириш ишлари давом этмоқда.