Қозоғистон ер остидаги ғазнасини очди: Мамлакатда камёб ер металларининг йирик кони аниқланди

Қозоғистоннинг марказий ҳудудида камёб ер металлари кони топилгани ҳақида мамлакат Саноат ва қурилиш вазирлиги маълум қилди.

Жана Қозоғистон (Янги Қозоғистон) участкасининг умумий башорат қилинган захиралари 300 метр чуқурликкача жойлашган ҳолда 20 миллион тоннадан ортиқни ташкил этиши баҳоланмоқда. Камёб ер металларининг ўртача миқдори бир тоннада 700 граммни ташкил қилади.

"Ma’дан оралиғидан олинган намуналарда деярли барча камёб ер элементларининг, айниқса неодим, церий, лантан ва иттрийнинг юқори концентрацияси мавжуд," - деди Марказгеология бош геологи Максим Клочков.

Вазирлик участкани ким ва қачон ўзлаштиришни бошлаши ҳақида маълумот бермади.

Дунёда камёб ер металларига қизиқиш АҚШнинг янги президенти Доналд Трампнинг Киев билан фойдали қазилмалар бўйича келишув тузишни хоҳлаши туфайли ортди.