Қорақалпоғистон Республикаси ва Қашқадарё вилоятида энергия ресурсларидан ноқонуний фойдаланганлик ҳолатлари аниқланди

Бош прокуратура ҳузуридаги Департаментнинг Нукус шаҳри бўлими томонидан ўтказилган терговга қадар текширувда “M.-Q.” МЧЖ масъул шахслари янги қурилаётган бинода табиий газ тармоғига ўзбошимчалик билан уланиб, 165,5 млн сўмлик табиий газдан ноқонуний фойдаланганликлари аниқланган.

Шунингдек, Департаментнинг Кўкдала тумани бўлими томонидан ўтказилган терговга қадар текширувларда “F.B.” фермер хўжалиги раҳбари Ш.Ф. ва “R.” фермер хўжалиги бошқарувчиси Ж.Т.лар тижорат мақсадида сув насосини умумий фойдаланишдаги электр тармоғига ўзбошимчалик билан тўғридан-тўғри улаб жами 182,9 млн сўмлик электр энергиясидан ноқонуний фойдаланганликлари аниқланган.

Мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари ўтказилмоқда.