Қирғизистонда содир бўлган зилзила Андижон вилоятида ҳам сезилди

Бугун тушдан кейин Қирғизистонда зилзила қайд этилди, Ўзбекистонда ҳам зилзилалар сезилди.

Фавқулодда вазиятлар вазирлигининг Республика сейсмик прогнозлаш мониторинги маркази маълумотларига кўра, сейсмик ҳодиса 29 май куни Тошкент вақти билан соат 13:15 да содир бўлган. Зилзила магнитудаси 4,8 магнитудани, фокуси 10 километр чуқурликни ташкил этган. Эпицентр Қирғизистонда, Тошкентдан 387 километр шимоли-шарқда жойлашган.

Андижон вилоятининг айрим туманларида зилзилалар сезилди. Хусусан, Хонобод, Қўрғонтепа, Пахтаобод ва Жалақудуқ туманларида зилзила магнитудаси эпицентрдан 114 дан 140 километргача бўлган масофада 2,0 магнитудага етди.