Эрон ТИВ расмий вакили Исмоил Бағоий бугун, 28 май куни тонгда Бандар Аббос ҳудудига АҚШ томонидан уюштирилган ҳарбий ҳужумни қоралаб, бу ҳаракатлар Эроннинг ҳудудий яхлитлиги ва миллий суверенитетига қарши тажовуз эканини таъкидлади. Унинг сўзларига кўра, бу халқаро ҳуқуқ ва БМТ Низомининг қўпол равишда бузилиши ҳисобланади ва БМТ Хавфсизлик Кенгаши Вашингтонни жавобгарликка тортиш бўйича ўз мажбуриятини бажариши керак.
Бағоий АҚШ томонидан жорий йил 8 апрелда эълон қилинган ўт очишни тўхтатиш режимининг мунтазам бузилаётганини, хусусан, Форс кўрфази ва очиқ денгизлардаги тижорат кемаларига қарши ҳаракатлар ҳамда сўнгги кунларда Эрон жанубига қилинган ҳаво ҳужумларини эслаб ўтди. Шу билан бирга, у Теҳрон БМТ Низомининг 51-моддасига мувофиқ миллий суверенитет ва ҳудудий яхлитликни ҳимоя қилиш учун барча зарур чораларни кўришга тайёрлигини билдирди.
Шунингдек, Бағоий Қўшма Штатларнинг Эрон ва минтақадаги бошқа давлатларга қарши таҳдидли баёнотларини ҳам қоралаб, Теҳрон дўст ва биродар давлат Ўмон билан ҳамжиҳат эканини таъкидлади.
Эрон 57 та мусулмон давлатидан иборат “Ислом NATOси” ни тузишга чақирди
Нетаньяху Қуддусдаги шифохонага ётқизилди
Суперкомпьютер футбол бўйича ЖЧда ким ғолиб бўлишини айтди
