Владимир Зеленский АҚШ Конгрессининг демократ аъзолари Ричард Блументал ва Жим Хеймс билан учрашди. Унинг сўзларига кўра, томонлар "Украинани бундан кейин ҳам қўллаб-қувватлаш, хусусан, ҳаво ҳужумидан мудофаа тизимини кучайтириш" масаласини муҳокама қилишган.
"Россиянинг тинимсиз ўққа тутишлари сабабли бизда ракетага қарши ракеталарга жуда катта эҳтиёж мавжуд. Мен Оқ уй ва АҚШ Конгрессига Украинанинг бундай ракеталарга бўлган эҳтиёжлари тўғрисида мактуб йўллаган эдим. Бугун ушбу хатни конгрессменларга шахсан ўзим ҳам топширдим. Биз кўмак ўз вақтида берилишига умид қиламиз", — дейди Зеленский.
Шунингдек, у конгрессменларга фронтдаги вазият ҳақида гапириб берди ва Россияга қарши санкциялар заифлашишига йўл қўйиб бўлмаслигини таъкидлади.
Эслатиб ўтамиз, Ричард Блументал Россияга қарши 500 фоизлик божхона тўловларини жорий этиш тўғрисидаги (аммо Конгресс томонидан қабул қилинмай қолган) қонун лойиҳаси ҳаммуаллифи ҳисобланади.
Жим Хеймс эса Украинадаги урушни "ҳаётимизнинг бош жанги" деб атаган ва Трамп маъмуриятини Киевни ҳудудий ён беришларга мажбурлаётгани учун танқид қилган эди.
Эрон 57 та мусулмон давлатидан иборат “Ислом NATOси” ни тузишга чақирди
Нетаньяху Қуддусдаги шифохонага ётқизилди
Суперкомпьютер футбол бўйича ЖЧда ким ғолиб бўлишини айтди
