Қирғизистонда бу йил муқаддас Рамазон ойи 13-14 апрель кунлари бошланади, аммо бу тахминий сана. Бу ҳақда Sputnik Қирғизистон агентлиги мамлакат Мусулмонлар идораси бошқармаси матбуот хизматига таянган ҳолда хабар қилмоқда.
Идора аниқ маълумот Ой кўринишига қараб, рўза бошланишига яқин берилишини таъкидлаган. Шунинг учун Қирғизистон Мусулмонлар идораси бошқармаси сана ўзгариши мумкинлигини истисно қилмаяпти.
Рамазон мусулмонларнинг муқаддас ойи ва Ислом динининг беш устунидан биридир. Ҳадисларда Рамазон ҳилоли кўрингач рўза тутилиши айтилган. Шаъбон ойининг 29 куни тугагач, очиқ жойга бориб янги ой кўриниши пойланади. Шундан сўнг муқаддас ой қайси кунга тўғри келиши ҳақида хулоса қилинади.
Эслатиб ўтамиз, ўтган йили Ўзбекистонда муборак Рамазон ойининг бошланиши 24 апрель кунига тўғри келган эди.
Ўғри божхоначилар 26 тонна олтин билан қўлга тушди
Қодиров Эстонияга ракета ҳужумларини уюштиришга чақирмоқда
Пентагон раҳбари Остин АҚШнинг Раисий вертолёти ҳалокатига алоқадор эмаслигига ишонтирди
