Қирғизистондаги тижорат банклари Россиядан пул ўтказмалари тизимлари ва рус рубли билан операцияларни қайтадан бошлади.
Қирғизистоннинг йирик банкларидан бири «РСК-Банк» Astrasend, Юнистреам, Contact ва Золотая Корона пул ўтказмалари тизимлари фаолияти тиклангани ҳақида хабар берди. Бошқа маҳаллий банклар ҳам рублда пул ўтказиш операциялари қайта бошланганини тасдиқлайди.
Бир кун аввал Қирғизистон Миллий банки республиканинг асосий савдо ҳамкорлари бўлган мамлакатлар молия бозорларидаги ўзгаришлар мамлакат ички валюта бозорига чекланган таъсир кўрсатишини маълум қилган эди. Рубль курси 35% га камайди, аммо кейин деярли аввалги қийматларига қайтди.
