Қиличбозлик. Муса Аймуратов Истанбул Сателлите турнирида бронза медалини қўлга киритди

Туркиянинг Истанбул шаҳрида қиличбозликнинг сабля йўналиши бўйича Сателлите таснифидаги мусобақа ўтказилди. Унда иштирок этган Ўзбекистон терма жамоаси аъзоларидан Муса Аймуратов бронза медали билан тақдирланди.

Ҳамюртимиз саралашда Австрия, Туркия ва Италия вакилларини, чорак финалда терма жамоамизнинг бошқа бир вакили Сардор Абдукаримбековни мағлубиятга учратишга эришди. Бироқ ярим финалда мезбон спортчилардан бирига имкониятни бой берди ва учинчи ўринни эгаллади.