Гвардиола: «Холанддан ҳафсалам пир бўлди»

Эрлинг Холанднинг голлари "Манчестер Сити"га Премьер-лига доирасида "Эвертон"ни 2:0 ҳисобида мағлуб этишга ёрдам берди.

Ўйин якунидан сўнг "шаҳарликлар" бош мураббийи Хосеп Гвардиола Холанднинг ўйини ҳақида фикр билдирди.

"Унинг тўртта ёки бешта гол ура олмаганидан ҳафсалам пир бўлди. Бироқ, биз фақат Холандга тўлиқ суяниб қолмаслигимиз кераклигини тушунишимиз лозим. У доимо ўз ўрнида, аммо бизга бошқа футболчилар ҳам зарур. Қанотдаги ва ҳужумкор ярим ҳимоячилар ҳам гол уришлари керак, акс ҳолда биз кўзлаган мақсадимизга эриша олмаймиз. Эрлинг ниҳоятда муҳим, аммо бошқа ўйинчиларнинг ҳам истеъдоди бор. Улар пайдо бўлган имкониятлардан фойдаланишлари шарт," - дея Гвардиоланинг сўзларини BBC келтирди.

"Манчестер Сити" турнир жадвалида пешқадамлик қилаётган "Арсенал"га етиб олди, бироқ "тўпчилар" ўз ўйинини ҳали якунламаган.