Қатар ҳаво ҳужумидан мудофаа кучлари давлат ҳудудига қарата отилган ракеталарни муваффақиятли равишда тутиб олди.
Бу ҳақда амирлик Мудофаа вазирлиги хабар бермоқда.
"Қатар давлати Мудофаа вазирлиги шуни маълум қиладики, қуролли кучлар Қатарни нишонга олган ракета ҳужумини қайтарди", — дейилади баёнотда.
Уриб туширилган ракеталарнинг тури ёки уларнинг қулаган жойи ҳақидаги маълумот расмий хабарда аниқлаштирилмаган.