QNA хабарига кўра, Амир ва Давлат котиби турли соҳалардаги муносабатни мустаҳкамлаш йўллари, шунингдек Ғазода ва Фаластиннинг босиб олинган бошқа ҳудудларидаги вазиятни таҳлил қилган. Бундан ташқари томонлар зудлик билан ўт очишни тўхтатиш ва минтақага гуманитар ёрдам оқимини таъминлашга қаратилган воситачилик ҳаракатини ривожлантириш зарурлигини таъкидлаган.
Расмийлар иштирокида ўтказилган қўшма матбуот анжуманида Блинкен айтишича, ХАМАС Президент Жо Байденнинг Ғазода ўт очишни тўхтатиш ва маҳбуслар алмашинувини амалга ошириш ҳақидаги таклифига “ўзгариш киритиш”ни таклиф қилган.
– Уларнинг баъзи фикрларига қўшилиш мумкин, – деган Давлат котиби.
