Қатар миллий авиакомпаниясининг Qatar Airways самолёти Сурияда ҳокимият алмашганидан сўнг Доҳа-Дамашқ йўналиши бўйича илк тижорий парвозни амалга оширди.
Бу ҳақда Қатар бош вазири маслаҳатчиси, ташқи ишлар вазирлиги расмий вакили Мажид бин Муҳаммад ал-Ансорий маълум қилди.
"Бугун Дамашқ халқаро аэропортига биринчи тижорий самолёт етиб келди. Бу Qatar Airways авиакомпаниясининг Доҳадан соат 10:05да ҳавога кўтарилган самолёти", - деди у брифингда. Қатар ташқи ишлар вазирлиги вакилига кўра, самолёт бортида 200 киши бўлган.
Ал-Ансорий таъкидлаганидек, 6 январь куни Қатар қуролли кучларининг саккизинчи самолёти бортида гуманитар ёрдам билан Дамашққа қўнди. Унинг таъкидлашича, Дамашқдаги ҳокимият алмашганидан кейин Қатардан Сурияга етказилган ёрдамнинг умумий ҳажми 231 тоннани ташкил қилган.
Жаҳон IQ рейтинги: энг ақлли инсонлар қайси давлатларда яшайди? Ўзбекистон нечанчи ўринда?
Алишер Қодиров Қонунга қарши овоз берган ҳамкасбларига мурожаат қилди: “Истеъмолчининг 3 тадан 2 таси ёшлар. Ярми қизлар”
Яна бир йирик давлат БРИКС аъзосига айланди
