Бугун бош прокуратура Қарши шаҳридаги "Rubay lounge bar"да содир этилган қотиллик тафсилотларини эълон қилди.
Воқеа 23 август куни тахминан соат 20:30 ларда Қарши шаҳридаги тунги барлардан бирида содир бўлган. Меҳмонлар ўртасида зиддият юзага келган.
Бу ҳақда Бош прокуратура матбуот котиби Ҳаёт Шамсутдинов маълум қилган.
29 ёшли йигитга барнинг бошқа бир меҳмони унга термулиб тургани ёқмайди. Меҳмонларнинг жанжали пайтида, мижозларни тинчлантириш учун бар ходимларидан бири можарога аралашади. Бироқ, 29 ёшли можаро қўзғатувчиси барменни итариб юборади ва бар ходими ошхона пичоғи билан ҳуқуқбузарга оғир зарба беради. Бунинг натижасида жанжал иштирокчиси касалхонада вафот этган.
Мазкур ҳолат юзасидан прокуратура Жиноят кодексининг 97-моддаси 1-қисми (қасддан одам ўлдириш) билан жиноят иши қўзғатди. Гумон қилинувчи — бар ходими процессуал тартибда ҳибсга олинган.
Учинчи жаҳон уруши айнан қаерда бошланиши айтилди
Ҳаво ҳарорати аста-секин кўтарилиши кутилмоқда
Озарбайжон самолёти Қозоғистонга етиб бормай гувоҳларсиз йўқ бўлиб кетиши мақсад қилинган
