Россия президенти Владимир Путин Хитойга бешинчи инаугурациясидан сўнг илк хорижий ташрифини амалга ошириши мумкин: эҳтимол 2024 йил май ойининг иккинчи ярмида, деб ёзади “Ведомости”.
Тайёргарлик ҳақидаги маълумотни нашрга ташрифни ташкил этиш жараёнидан хабардор икки суҳбатдош тасдиқлади.
Манбага кўра, муҳокама кун тартибига, биринчи навбатда, минтақавий хавфсизлик, икки томонлама муносабатлар, Россия ва Хитой ўртасидаги илмий-техникавий ҳамкорликни кенгайтириш, шунингдек, Шанхай ҳамкорлик ташкилоти (ШҲТ) аъзолигини кенгайтириш жараёнлари ва БРИКС иши киради.
