Путин Украинадаги урушни якунлаш бўйича келишувга эришиш имконияти борлигини билдирди

Россия президенти Шарқий иқтисодий форумда сўзлаган нутқида АҚШ ва Хитойни ҳам ўз ичига олган бир қатор давлатлар Украина бўйича тинчлик келишувига эришишни қўллаб-қувватлашга тайёрлигини айтди. Унинг таъкидлашича, якунда муаммони можаро иштирокчилари — Россия ва Украина ҳал қилиши керак.

Путин Украинанинг сўнгги ҳаракатлари музокаралар истиқболини мураккаблаштираётганини айтди. У Украина томонидан фуқаролик савдо кемаларига қилинган ҳужумлар ва фуқаролик самолётларига зарба бериш таҳдидлари ҳақидаги хабарларни “давлат терроризми актлари” деб атади.