Россия президенти Владимир Путин, Москва Украина президенти Владимир Зеленский билан музокаралар олиб боришга тайёр эканлигини, аммо унинг ҳаққонийлигига шубҳа билдиришини айтди. Бу ҳақда у ВГТРК мухбирига берган интервьюсида маълум қилди.
«Биз музокараларни ким билан бўлса ҳам ўтказишимиз мумкин, аммо ўзининг легитим эмаслиги сабабли у [Зеленский] ҳеч нарсани имзолаш ҳуқуқига эга эмас. Агар у музокараларда иштирок этмоқчи бўлса, мен бу музокараларни олиб борадиган одамларни танлайман», — деди Путин.
Путин, музокаралар бошланишидан олдин Украина Зеленскийнинг 2022 йил октябрдаги фармонини бекор қилиши кераклигини таъкидлади. Ушбу фармон, Россия ҳукумат вакиллари билан ҳар қандай алоқаларни тақиқлаган. Унинг сўзларига кўра, буни Олий Рада раиси, яъни Зеленский эмас, балки бошқа бир шахс амалга ошириши керак.
Шунингдек, Путин Ғарб давлатларини Украинани урушни давом эттиришга ундашда айблади. У 2022 йил баҳорида Россия, Европа лидерларининг илтимосига биноан Киев атрофидаги қўшинларини олиб чиққанини, улар эса тинчлик шартномасини имзолашни кафолатлашганини айтди. Аммо, Путиннинг сўзларига кўра, бу ваъдалар бажарилмаган ва Украинани урушни давом эттиришга ишонтиришган.
Ўз навбатида, Владимир Зеленский аввалроқ ўзининг музокаралар бўйича фармони фақат ўзи учун эмас, балки ҳамма учун тақиқланганлигини таъкидлаган эди.
«Мен Украина президенти сифатида, музокаралар учун етакчиман ва бошқаларга тақиқладим», — деди у.
Зеленскийнинг президентлик ваколатлари 2024 йил май ойида тугайди. Бироқ, Украинада уруш шароитида у давлат раҳбари сифатида фаолиятини давом эттираётгани бўйича консенсус мавжуд. Россия эса бу ҳолатни Зеленскийнинг легитим эмаслигини кўрсатиш учун ишлатмоқда.
Озарбайжон самолётига ким ўқ узгани аниқланди
Бу ҳафта қор ёғиши кутилмоқда
Расман: Ўзбекистанда 1 апрелдан электр энергияси нархлари ошади
