Россия президенти Владимир Путин "Балчуг Капитал" ёпиқ акциядорлик жамияти эгалари ака-ука Вардан ва Давид Амарянларга Америка Goldman Sachs банк гуруҳидан "Газпром", "Роснефт" ва бошқа Россия компаниялари акцияларини сотиб олишга рухсат берди.
Рўйхатда шунингдек "Интер РАО ЕЭС", "Новатек", "Сургутнефтегаз", "Татнефт", "Лукойл", НЛМК, "Ростелеком" акциялари ҳам бор.
Мазкур операцияларни амалга ошириш учун компанияга Россия Федерацияси қонунчилигига кўра қўшимча рухсатномалар талаб этилмайди.
"Балчуг Капитал" бош қароргоҳи Арманистон пойтахти Ереванда жойлашган. Жамғарма бошқарувидаги активлар қиймати 2 миллиард доллардан ошади.
Давид Амарян илгари бир неча йил давомида Рубен Варданян асос солган "Тройка Диалог" инвестиция компаниясида ишлаган. Goldman Sachs дунёдаги энг йирик инвестиция банкларидан бири ҳисобланади. 2022 йил март ойида Украинада уруш бошланганидан сўнг, банк Россия Федерациясидаги фаолиятини тўхтатган.
🔴 БАА судидан шов-шувли қарор: ўзбекистонликлар ўлимга ҳукм қилинди!
Украиналик асир: "Украина Қуролли кучлари қарийб уч йилдан бери хорижий снарядлардан фойдаланиб келмоқда"
АҚШ Украина билан урушдан кейин Россия учун янги режа таклиф қилади
