Путин аҳвол оғир эканлигини эълон қилди

Путин Курск вилоятидаги вазиятни "жуда мураккаб" деб баҳолади.

Россия президенти Владимир Путин минтақа раҳбари вазифасини вақтинча бажарувчи Александр Хинштейн билан учрашувда Курск вилоятида "жуда мураккаб вазият" юзага келганини маълум қилди.

"Сиз билан учрашганимизга икки ой бўлди ва мен сизга Курск вилоятида ишни йўлга қўйишни топширган эдим. У ердаги вазият жуда мураккаб ва мен алоҳида эътибор қаратишингизни сўраган энг муҳим масала - аҳоли билан мулоқот ўрнатиш ҳамда уларнинг ташвиш ва муаммоларини аниқлашдир," - деди Россия президенти.