Путин: "Агар НАТО Россия чегараларига яқинлашмаганида, Украинадаги можаронинг олдини олиш мумкин эди"

Агар НАТО Россия чегараларига яқинлашмаганида, Украинадаги можаронинг олдини олиш мумкин эди.

Бу ҳақда Россия президенти Владимир Путин маълум қилди.

Унинг эслатишича, Россия икки марта НАТОга киришга тайёрлигини эълон қилган ва икки марта ҳам рад этилган.

"Агар АҚШ президенти Дональд Трамп ҳокимиятда бўлганида, Украинадаги урушнинг олдини олиш мумкин эди", — дея таъкидлади Россия етакчиси ҳам Трампнинг баёнотини такрорлаб.

У Россия-Украина уруши учун жавобгарликни Европага юклади: "Афсуски, биз ҳалигача Украинадаги жангларни тўхтата олмадик, аммо бунинг учун жавобгарлик биринчи навбатда Европага юкланади".

Путиннинг қўшимча қилишича, Россия Европанинг ҳарбийлашуви кучайиб бораётганини диққат билан кузатиб бормоқда ва зудлик билан жавоб қайтариш билан таҳдид қилди: “Россиянинг Европани ҳарбийлаштиришга жавоби узоқ кутилмайди”.