«Жасмин» ва яна 5 нафар ўзбекистонликнинг ҳибсга олиниши бўйича расмий маълумот берилди

2025 йил 29 сентябр куни Истанбул шаҳрида 6 нафар шахс, жумладан блогер Музаффар Раҳимов «Жасмин» ҳам маҳаллий полиция томонидан қўлга олинган.

30 сентябр куни улар Малтепе ёпиқ турдаги жазони ижро этиш муассасасига жойлаштирилган.

Уларнинг гиёҳвандлик воситалари ва психотроп моддаларнинг ноқонуний айланмаси билан боғлиқ жиноятда гумон қилинаётгани айтилади.

Тинтув жараёнида қўлга киритилган ашёвий далиллар экспертизага юборилган.

⚖️ Ҳозирда тергов ишлари давом этмоқда.