«ПСЖ» Франция Суперкубоги баҳсида кутилмаганда бир киши кўп бўлиб, мағлубиятга учради (+Видео)

2026 йилги Франция Суперкубоги баҳсида «Ланс» ва «ПСЖ» клублари ўзаро тўқнаш келди. Ланс шаҳрида кечган ва Жереми Пиньяр бошқарган беллашувда «Ланс» 1:0 ҳисобида ғалаба қозонди.

Ўйиндаги ягона голни 32-дақиқада «Ланс» ярим ҳимоячиси Флорьян Товен киритди. 39-дақиқада майдон марказида қўполлик ишлатгани учун «Ланс» ҳимоячиси Киллиан Антонио майдондан четлатилди. 86-дақиқада эса «ПСЖ» ҳимоячиси Нуну Мендеш қизил карточка олди.

Эслатиб ўтамиз, ўтган мавсумда Луис Энрике шогирдлари 34 турда 76 очко жамғариб, Франция чемпиони бўлишган эди. «Ланс» эса 70 очко билан 2-ўринни эгаллаган ва Франция Кубоги финалида «Ницца»ни 3:1 ҳисобида енгиб, кубокни қўлга киритган эди.