Сербия президенти Александр Вучич Welt am Sonntag газетасига берган интервьюсида Россия президенти Владимир Путин Украинада Донбасс устидан назорат ўрнатишни мақсад қилган бўлиши мумкинлигини айтди. Унинг фикрича, шундан сўнг Россия урушни тугатишга тайёр бўлиши мумкин.
Вучич Сербия ҳам россияликларни, ҳам украиналикларни дўст деб билишини таъкидлади. Унинг айтишича, Белграднинг стратегик мақсади — Европа Иттифоқига қўшилиш, бироқ Сербия Россия, Хитой, Ҳиндистон ва бошқа давлатлар билан муносабатларни ҳам сақлаб қолмоқчи.
Вучич Россия ва Ғарб ўртасидаги қарама-қаршиликни баҳолашда ҳар икки томон нуқтаи назарини тушуниш зарурлигини айтди. У Сербия Украина суверенитети ва ҳудудий яхлитлигини қўллаб-қувватлашини, аммо тинчлик урушдан афзал эканини таъкидлади.
Европада беш йилдан кейин тинчлик бўладими, деган саволга Вучич шундай жавоб берди: «Менимча, биз катта урушнинг бошида турибмиз». Унинг фикрича, дунёда АҚШ ва Хитой асосий супердавлатлар бўлиб қолади, Европа Иттифоқи эса улар қаторига қўшилиши мумкин.
Роналдунинг тўйида онаси қатнашмади
Мен Хитой-Қирғизистон-Ўзбекистон темир йўли қурилиши учун Путиннинг розилигини олганман – Садир Жапаров
Ҳафта охиридан Ўзбекистонга салқин ҳаво оқими кириб келади
