1️⃣ Давлат хавфсизлик хизматининг Навоий вилояти бўйича бошқармаси ва Бош прокуратура ҳузуридаги Департамент ходимлари ҳамкорлигида ўтказилган тезкор тадбирда Самарқанд шаҳар ИИО ФМБ профилактика инспекторининг ноқонуний ҳаракати фош этилди.
Инспектор мансабдор танишлари орқали собиқ ички ишлар ходимининг тизимга қайта ишга тикланишида ёрдам бериш эвазига 7 минг АҚШ доллари олган вақтида ашёвий далиллар билан ушланди.
Ҳозирда унга нисбатан Жиноят кодексининг 168 ва 211-моддалари билан жиноят иши қўзғатилиб, тергов ҳаракатлари олиб борилмоқда.
2️⃣ Бошқа ҳолатда эса Наманган вилояти Чуст тумани ИИБ профилактика инспектори 1994 й.т. фуқарога нисбатан келиб тушган аризани кўрмасдан қолдирганлигини рўкач қилиб, ундан 2 минг АҚШ доллари талаб қилган ва жорий йилнинг февраль ойида 700 АҚШ доллари олган.
Инспектор ўзининг ноқонуний ҳаракатини давом эттириб, фуқародан қолган 1300 долларни ҳамда келгусида унга “ўзбек-қирғиз” давлат чегараси орқали чорва молларини ноқонуний олиб ўтишида раҳнамолик қилиш эвазига 2000 доллар, жами 3300 АҚШ доллари сўраган.
Давлат хавфсизлик хизмати, Бош прокуратура ҳузуридаги Департамент ва ИИВ Шахсий хавфсизлик бош бошқармаси ходимлари ҳамкорлигида ўтказилган тезкор тадбирда у мазкур пул маблағини олган вақтида ушланди.
Ҳозирда профилактика инспекторига нисбатан Жиноят кодексининг 165 ва 168-моддалари билан жиноят иши қўзғатилиб, тергов ҳаракатлари олиб борилмоқда.
Миллион россиялик мамлакатни тарк этди
47°C иссиқликда тонг ҳам, тун ҳам йўқ: Ҳиндистоннинг энг иссиқ ҳудудида бир кун
Андижонда ИИБ ходими вояга етмаган шахснинг номусига текканлиги айтилмоқда. Гумонланувчи 2004 йилги Олимпиада бронза медали соҳиби(?)
