Мамлакатимиз Президенти мактабгача таълим соҳаси ва боғча тарбиячилари учун қатор муҳим янгиликларни маълум қилди.
Ҳозирда 7 мингдан ортиқ давлат боғчаларида 120 мингга яқин педагог фаолият юритмоқда. Бироқ уларнинг атиги 34 фоизи олий маълумотга эга. Бу эса тарбиячиларнинг маошидаги фарққа ҳам таъсир кўрсатмоқда, чунки тоифа олиши учун олийгоҳ дипломи талаб этилади.
Шу сабабли давлат ва хусусий боғча тарбиячиларини ишдан ажралмаган ҳолда олийгоҳларда ўқитиш тизими йўлга қўйилади. Режага кўра, ҳар йили 10 мингдан зиёд тарбиячи олий маълумотли бўлиши таъминланади.
Яна бир муҳим янгилик сифатида, ҳар бир вилоятда Президент мактаблари каби “Янги авлод” боғчалари ташкил этилади. У ерда тарбиячилар илғор педагогик технологиялар ва замонавий методикаларни ўрганади.
Энг муҳими, мазкур марказлар нафақат давлат, балки хусусий боғча тарбиячилари учун ҳам очиқ бўлиб, улар доимо билим ва тажриба алмашиш имкониятига эга бўлади.
Николай Валуевга нисбатан қидирув эълон қилинди
БМТда Фаластинга доир муҳим ҳужжат қабул қилинди. Қайси давлатлар қарши овоз бергани маълум
Ўзбекистонга қайтаётган бебаҳо мерос
