Мадагаскар президенти Андри Радзуэлина давом этаётган намойишлар туфайли Антананаривони тарк этди.
Бу ҳақда Jeune Afrique манбаларга таяниб хабар берди.
Ҳозирча расмий баёнот йўқ.
Эслатиб ўтамиз, Мадагаскарда 25 сентябрь куни "Z авлоди" ҳаракати томонидан ташкил этилган намойишлар бошланди. Дастлаб намойишчилар сув ва электр энергиясидан фойдаланишни талаб қилишди, шунингдек, Мадагаскардаги соғлиқни сақлаш тизими ҳолати ва коррупция даражасини танқид қилишди. Шундан сўнг намойишчилар президентнинг истеъфосини талаб қила бошладилар.
Бирлашган Миллатлар Ташкилоти тартибсизликлар натижасида камида 22 киши ҳалок бўлгани ва 100 дан ортиқ жароҳат олгани ҳақида хабар берган, бироқ мамлакат расмийлари бу маълумотни рад этган. 29 сентябрь куни Андри Радзуэлина ҳукуматни истеъфога чиқарди, аммо норозиликлар давом этди. Халқаро валюта жамғармаси маълумотларига кўра, 30 миллионлик Мадагаскар аҳолисининг фақат учдан бир қисми электр энергиясидан фойдаланиш имкониятига эга.
«Жаҳаннам Нажоти» Туркияда қўлга олинди
Бу Европа эмас, Теҳрон кўчалари: эронлик аёллар кўчага мажбурий ҳижобсиз чиқишмоқда (видео)
Йирик астероид Ой билан тўқнашди (видео)
