Дональд Трамп: "Роналдудан яхшисини топиб бўлмайди!"

АҚШ президенти Дональд Трампнинг айтишича, "Ан-Наср" клуби ва Португалия терма жамоаси форварди Криштиану Роналду унга қўнғироқ қилиб, Оқ уй бўйлаб экскурсия ўтказгани учун миннатдорчилик билдирган.

"Соккер (футбол) бўйича буюк ўйинчи Криштиану Роналду ҳозиргина қўнғироқ қилиб, шу ҳафта Оқ уй ва Овал кабинет бўйлаб ўтказган сафари учун миннатдорчилик билдирди. У қандай ажойиб инсон - нафақат буюк спортчи, балки ажойиб шахс. Бундан яхшисини топиб бўлмайди!" - деб ёзди Трамп ижтимоий тармоқдаги саҳифасида.

Эслатиб ўтамиз, Криштиану Роналду Европа Чемпионлар Лигаси (140 та гол) ва "Реал" (450 та гол) тарихидаги энг яхши тўпурар ҳисобланади. Бундан ташқари, ҳужумчи терма жамоа сафида энг кўп гол уриш бўйича жаҳон рекордига ҳам эга. Португалия терма жамоаси сафида Роналду 143 марта рақиб дарвозасини ишғол қилган.