Польша президентлиги учун бўлиб ўтган сайловларнинг иккинчи турида, дастлабки маълумотларга кўра, консерватор ва евроскептик Карол Навроцкий амалдаги ҳукмрон коалиция номзоди, либерал Рафал Тшасковскийни мағлуб этди.
Польшанинг Gazeta Wyborcza нашри ва ТVN24 телеканалининг хабар беришича, маҳаллий вақт билан тонгги соат бешда Марказий сайлов комиссияси барча округлар бўйича натижаларни эълон қилди. Ушбу маълумотларга кўра, Навроцкий 50,9% овоз олган, Тшасковский эса 49,1% овоз тўплаган.
Навроцкийнинг ғалабаси натижасида Польшанинг Европа Иттифоқи ва Украина билан муносабатларида танглик кучайиши, шунингдек, консерватор президент ва либерал ҳукумат ўртасида ички сиёсий инқироз юзага келиши кутилмоқда.
Навроцкий Брюссел ва Киев билан алоқаларни яхшилашга шубҳа билан қарайди, Украинани NATO'га таклиф қилишга қарши ва унинг Европа Иттифоқига тезлаштирилган тартибда қўшилишига норозилик билдиради.
Маълумот учун, Польшада бош вазир ҳукуматга раҳбарлик қилади, президентнинг ваколатлари эса анча чекланган. Бироқ президент қонун лойиҳаларига вето қўйиш ҳуқуқига эга.
Даҳшат! Вафот этган 88 ёшли аёл тобутда ҳушига келди
БАА бош мураббийи мухлисларга мурожаат билан чиқди
Ҳиндистон чўкиб кетмоқда - ярим миллиондан ортиқ қурбонлар
