Афғонистоннинг Покистондаги муваққат ишлар вакили Ислом Республикаси Ташқи ишлар вазирлигига чақиртирилди ва унга Хайбер-Пахтунхва вилоятидаги полиция постига уюштирилган ҳужум муносабати билан демарш эълон қилинди.
Баёнотга кўра, ҳужум юзасидан ўтказилган тергов натижалари ушбу ҳаракат Афғонистонда бошпана топган «Фитна ал-Хавориж» гуруҳи (аввалги «Техрик-и-Талибон Покистон» ёки «Покистон толиблари ҳаракати» номи билан машҳур) жангарилари томонидан ташкиллаштирилганини кўрсатмоқда. Шунингдек, Афғонистон томонига Исломобод «ушбу ваҳшиёна ҳаракат айбдорларига қатъий жавоб қайтариш ҳуқуқини ўзида сақлаб қолиши» маълум қилинди.
Эслатиб ўтамиз, 10 май куни жангарилар автомобилни портлатиб юбориши оқибатида камида 15 нафар полициячи ҳалок бўлган эди.
Россия Москвадаги парадга борадиган етакчилар рўйхатини эълон қилди
Криштиану Роналду миллионлаб обуначиларини йўқотди
АҚШ суди Жеффри Эпштейннинг ўлимидан олдин ёзиб қолдирган тахминий хатини оммага эълон қилди
