Даниянинг "Alliance of Democracies" жамғармаси томонидан ҳар йили эълон қилинадиган "Democracy Perception Index" тадқиқотига кўра, АҚШ рейтинги иккинчи йил кетма-кет пасайиб, илк бор Россия кўрсаткичидан пастроқ бўлди. Вашингтон эндиликда энг салбий баҳоланадиган бешта ҳудуд қаторидан жой олди; ундан кейинги ўринларда фақат Исроил, Шимолий Корея, Афғонистон ва Эрон қайд этилган.
2026 йилги янгиланган маълумотларга кўра, АҚШнинг глобал имиж кўрсаткичи икки йил олдинги плюс 22 фоиздан минус 16 фоизгача тушган, Россия эса минус 11 фоиз, Хитой эса плюс 7 фоиз натижа қайд этган. Шунингдек, респондентлар Қўшма Штатларни Москва ва Исроилдан кейин дунё тинчлигига асосий таҳдид деб аташган.
Россия ва Украина ўртасидаги урушга муносабат бўйича сўровда қатнашган 98 тамоннинг 55 таси Украинани, 30 таси эса Россияни кўпроқ қўллаб-қувватлайди. Европада Киевга хайрихоҳлик юқори бўлса, Яқин Шарқ ва Шимолий Африка минтақасида Москванинг тарафдорлари устунлик қилмоқда.
Жамғарма асосчиси ва NATO'нинг собиқ бош котиби Андерс Фог Расмуссен бу кўрсаткичларнинг кескин тушишини Вашингтоннинг сўнгги 18 ой ичида трансатлантик алоқаларни шубҳа остига қўйгани, йирик божлар жорий этгани ва иттифоқчиси ҳудудига бостириб кириш билан таҳдид қилгани билан изоҳлади. Тадқиқотда жами 94 146 нафар респондент иштирок этган.
Россия Москвадаги парадга борадиган етакчилар рўйхатини эълон қилди
МДҲ давлатларида қанча Иккинчи жаҳон уруши қатнашчилари қолган?
Президентнинг хотинига ҳукм чиқарган судъя ўлик ҳолда топилди
