“Тошкент-АЭРО” ИБК тезкор тузилмалари автомашинада яширилган пиротехника воситалари ҳамда “iPhone” телефонларининг ички ҳудуддаги ноқонуний айланмасига чек қўйишди.
Тошкент вилоятининг Оҳангарон туманида ўтказилган тезкор тадбирда олдиндан олинган тезкор маълумотларга асосан, “Водий-Тошкент” йўналиши бўйича ҳаракатланган “Cobalt” русумли автотранспорт воситаси белгиланган тартибда тўхтатилди.
Автомашина кўздан кечирилганда эса унинг ичида хорижда ишлаб чиқарилган, 2 турдаги жами 35 562 дона пиротехника воситалари ҳамда 15 дона “iPhone” русумли уяли алоқа воситалари борлиги аниқланиб, вақтинча сақловга олинди.
Ашёвий далил сифатида олинган мазкур пиротехника воситалари ҳамда смартфонларнинг дастлабки тахминий қиймати 160 млн сўмни ташкил қилмоқда.
Ҳозирда ҳолат юзасидан божхона текширувлари олиб борилмоқда.
Учинчи жаҳон уруши айнан қаерда бошланиши айтилди
Ҳаво ҳарорати аста-секин кўтарилиши кутилмоқда
АҚШ Украинанинг Россия ҳужумини тўхтата олмаслигини эълон қилди
