Пезешкиан: Мекка келишуви мусулмон давлатлари бирлигига қадам бўлиши мумкин

Эрон президенти Масъуд Пезешкиан Саудия Арабистони, Туркия ва Покистон имзолаган Мекка мудофаа келишувини мусулмон давлатлари бирлиги сари ижобий қадам деб атади.

Унинг таъкидлашича, келишув қарама-қаршилик эмас, балки мулоқот ва ҳамкорликни кучайтиришга хизмат қилиши мумкин.

Пезешкиан, шунингдек, Эрон АҚШга ишонмаслигини билдирди. Унинг айтишича, Ҳурмуз бўғози уруш музокаралар орқали якунланган тақдирда савдо кемалари учун қайта очилиши мумкин.

Эрон президенти минтақавий хавфсизликни минтақа давлатларининг ўзаро ҳамкорлиги орқали таъминлаш мумкинлигини таъкидлаб, «бизга минтақавий полициячи керак эмас», деди.