Песков: Россия ҳаво мудофаа тизимлари юқори самарадорлик кўрсатмоқда

Россия президенти матбуот котиби Дмитрий Песков Россиянинг ҳаво мудофаа тизимлари ҳар қандай шароитда ҳам юқори самарадорлик билан ишлаётганини билдирди.

Унинг таъкидлашича, сўнгги дрон ва ракета ҳужумлари вақтида ҳам ҳаво ҳужумидан мудофаа воситалари ўз вазифасини муваффақиятли бажарган.

Песков шунингдек, жамоатчиликка Россия томонидан Украина ҳудудидаги ҳарбий ва инфратузилма объектларига берилган зарбалар оқибатлари акс этган кадрларга ҳам эътибор қаратишни тавсия қилди. Унинг фикрича, можаро ҳақида хулоса чиқаришда барча томонлардан келаётган маълумотларни инобатга олиш муҳим ҳисобланади.