Pepsi компанияси 125 ёшга тўлди (тасаввур қилинг). Шу муносабат билан компания кеча, 28-март куни ребрендинг эълон қилди.
Бренднинг логотипи, қадоқлари ва умуман, дизайн тизими янгиланди. Бу 15 йилда биринчи ўзгариш. Янги қадоқлар кузда АҚШ бозорида, бутун дунё токчаларида эса 2024 йили чиқиши режалаштирилган.
Янгиланишнинг асосий сабаби - шакарсиз ичимликларни тарғиб қилиш. Шунинг учун ҳам қора ва тўқ рангларга кўп эътибор қаратилган (шакарсиз банка қора рангда бўлгани учун). Ҳатто Pepsi'нинг асосий ранги бўлган - кўк ранг ҳам энди тўқлаштирилган. Энди кўк ранг электрикдан кўра, ярим-тун(midnight)га яқинроқ.
Янги логотипда PEPSI ёзуви шрифти ўзгариб, катта ҳарфлар билан ёзилган. Ёзув ин-ян белгисининг ўртасига жойлаштирилган, худди 80-йиллардаги каби. Ин-ян белгисининг ўзи ҳам 80-90 йиллар ҳолатига қайтарилган.
Иқтисодий жиҳатдан Молдова фақат Россия билан ҳамкорликда ривожлана олади
Россия қўшинлари Авдeевка шимоли-ғарбидаги Украина фронтини ёриб ўтди
Microsoft битта тасвирдан видео яратадиган янги нейрон тармоқни тақдим қилди
