АҚШ Мудофаа вазирлиги КХДР ҳақиқатдан ҳам сунъий йўлдошни орбитага олиб чиққанини тан олди. Бу ҳақда Пентагон матбуот котиби АҚШ ҳарбий-ҳаво кучлари генерали Патрик Райдер баёнот берди.
“Биз биламизки, у орбитага чиқарилган ва бунинг учун баллистик ракета технологияси қўлланилган”, — дея унинг сўзларидан иқтибос келтиради ТАСС.
КХДР аввалроқ разведка йўлдоши Норфолк ҳарбий-денгиз базасидаги Оқ уй, Пентагон ва АҚШ авиаташувчи кемаларини суратга олгани ҳақида хабар берган эди.
