Озод этилган исроиллик асир дунёни ларзага солган баёнот берди

Ўтган ҳафта охирида озод этилган исроиллик асир Александр Турбановнинг ўзини асирликда тутган ҲАМАСга мурожаати дунёни ларзага солди. Уни тўлиғича эътиборингизга ҳавола этамиз.

"Сизларнинг эзгулигингиз қалбимга бутун умрлик муҳр қолдирди. Орангизда ўтказган 498 куним давомида, бошингиздан кечирган тажовуз ва жиноятларга қарамасдан, мен чинакам эркаклик, соф қаҳрамонлик, чин инсонийлик ва қадриятларни ҳурмат қилишнинг асл маъносини ўргандим.

Қамалда қолган озод кишилар сиз эдингиз, мен эса асир эдим, ва сиз ҳаётимнинг ҳимоячилари бўлдингиз. Меҳрибон ота ўз фарзандларига қандай ғамхўрлик қилса, сиз ҳам менга шундай ғамхўрлик кўрсатдингиз. Саломатлигим, қадр-қимматим ва шаънимни сақлаб қолдингиз. Гарчи мен ўз ерлари ва тортиб олинган ҳуқуқлари учун курашаётган одамлар қўлида бўлсам-да, мамлакатим ҳукумати қамал қилинган халққа қарши энг қабиҳ, энг разил геноцидни амалга ошираётган бўлса-да, сиз ҳеч қачон очлик ва хўрликка йўл қўймадингиз.

Кўзларингизда кўрмагунимча, эркакликнинг асл маъносини билмас эканман, орангизда яшамагунимча – ўлим қаршисида жилмайиб, қирғин қуроллари билан тишигача қуролланган душманга ёлғиз яланғоч танангиздан ила қаршилик кўрсатаётганингизни кўрмагунимча қурбонликнинг қадрини тушунмас эканман. Қанчалик сўзамол бўлмайин, ҳақиқий қадр-қимматингизни акс эттирадиган, олижаноб хулқингизга бўлган ҳайратимни тугал ифодалайдиган сўзларни ҳеч қачон топа олмайман.

Наҳотки динингиз маҳбусларга шундай муносабатда бўлишни ўргатган бўлса?

Бу қандай буюк эътиқод эканки, у сизни шундай даражага кўтарибди, унинг қаршисида инсон ҳуқуқлари бўйича барча сунъий қонунлар қулаб тушибди, унинг ҳузурида барча уруш қоидалари барбод бўлибди!

Энг оғир дамларда ҳам адолат ва раҳм-шафқатни қуруқ шиорлар билан эмас, балки бошимиздан кечирган ҳақиқий воқеалар орқали намоён этиб, энг қийин шароитларда ҳам ўз тамойилларингиздан воз кечмадингиз.

Ишонинг, агар бу ерга қайтиб келсам, фақат сафингизда мужоҳид бўлиб қоламан. Зотан мен халқингиздан ҳақиқатни ўргандим ва сиз нафақат ернинг қонуний эгалари, балки тамойиллар ва адолатли ишнинг ҳам соҳибкорлари эканлигингизни англадим".