2025 йил 17 май куни Россия армияси Украинадаги Суми вилоятининг Белополье шаҳри яқинида эвакуация автобусига дрон орқали ҳужум уюштирди. Натижада, ота, она ва қизидан иборат оила ҳалок бўлди. Жами 9 киши ҳалок бўлиб, 7 киши яраланди, улардан уч нафари оғир аҳволда.
Украина президенти Владимир Зеленский бу ҳодисани фуқароларга қарши қасддан қилинган ҳужум деб баҳолади ва Россиянинг бу ҳаракатини қоралади. У, шунингдек, халқаро ҳамжамиятни Россияга нисбатан санкцияларни кучайтиришга чақирди.
Белополье шаҳар мэри Юрий Зарконинг сўзларига кўра, автобусда асосан ёши катта аёллар бўлган. Ҳужумдан сўнг шаҳарда 17-19 май кунлари мотам эълон қилинди.
Бу воқеа Россия ва Украина ўртасидаги тинчлик музокаралари давомида содир бўлди. Зеленский Россия делегациясини музокараларга тайёр эмасликда айблади ва Ғарб давлатларидан Россияга нисбатан қатъий чоралар кўришни сўради.
Гўзаллик маликаси 9 ойга қамалди
АҚШ Украинада абадий уруш ўтказиш истагини эълон қилди
Эстония ва Россия ўртасида жанг чиқишига сал қолди
