Москва вилоятидаги Коломна шаҳрида "Искандер" тезкор-тактик ракета комплексини яратишда қатнашган муҳандислардан бири - 74 ёшли Владимир Недошивин маиший можарода вафот этди. Бу ҳақда ишончли манбага таяниб "ВЧК-ОГПУ" телеграм-канали хабар бермоқда. Маълумотларга кўра, эркак киши 9 май Ғалаба куни 2-Юбилей кўчасидаги уйнинг киравелишида оғир аҳволда топилган. Жабрланувчи шифохонага етказилган, аммо бир неча кундан сўнг вафот этган.
Манба таъкидлашича, пенсионерга ўлимга олиб келган тан жароҳатлари унинг қўшниси - 32 ёшли сантехник Анатолий Колобайсев томонидан етказилган. Колобайсевнинг айтишича, у кекса кишини киравелишда ҳожатини чиқаргани учун зинадан итариб юборган. Канал суҳбатдошининг таъкидлашича, Недошивин нафақага чиққанидан сўнг ижтимоий эътибордан четда қолган. У спиртли ичимликларга ружу қўйган, бироқ ўзини тинч тутган ва жанжал чиқармаган.
