Озарбойжонда мухолифат етакчиларидан бири ҳибсга олинди

Мухолифатдаги Озарбойжон Халқ фронти партияси (ХФП) раиси Али Каримли ва партия аъзоси Мамед Иброҳим ҳибсга олинди. Бу ҳақда партиянинг Францияда яшовчи аъзоси Нотиқ Одилов маълум қилди.

Одиловнинг маълум қилишича, Озарбойжон Давлат хавфсизлик хизмати Керимли ва Иброҳимнинг уйларида тинтув ўтказган.

Али Керимли Озарбойжон мухолифатининг энг таниқли ва таъсирли шахсларидан бири бўлиб, мамлакатнинг иккинчи президенти Абдулфаз Элчибейнинг вориси сифатида танилган. Керимли сиёсий фаолияти давомида мамлакатда демократик ислоҳотлар ва эркинликларни ҳимоя қилишга интилган.