Озарбайжоннинг амалдаги Президенти Илҳом Алиевнинг фармойишига кўра, Озарбайжонда муддатидан олдин президентлик сайловлари 2024 йил 7 февралда бўлиб ўтади.
«Озарбайжон Республикаси Марказий сайлов комиссияси Озарбайжон Республикаси Президенти сайловини 2024 йил 7 февралга тайинлашни ва уларнинг Озарбайжон Республикаси Сайлов кодексида белгиланган тартибда ўтказилишини таъминласин», дейилади тегишли ҳужжатда.
Навбатдаги президентлик сайловлари 2025 йил октабр ойида бўлиб ўтиши керак эди. Сайлов санасини ўзгартириш сабаблари ҳақида маълумот берилмаган. Озарбайжон қонунчилигига кўра, республика Президенти етти йил муддатга сайланади. Озарбайжонда сўнгги президентлик сайловлари 2018 йилнинг апрель ойида бўлиб ўтди.
