Озарбайжонда коронавирус инфекциясини юқтирганлар сонининг кўпайиши туфайли карантин чоралари қайта кучайтирилди, деб хабар беради «Хабар 24» телеканали.
Мамлакат Вазирлар Маҳкамаси ҳузуридаги тезкор штабнинг қарорига биноан, ушбу ҳафтада шанба ва якшанба кунлари уйдан чиқиш тақиқланади. Ҳозирда барча муассасалар очиқ эмас, жамоат транспорти ва автомобиллар ишламайди. Бу чеклов беморларнинг сони кескин кўпайган Боку, Сумқайит, Ганжа, Лянкоран шаҳарлари ва Апшерон туманида жорий этилди. Фақатгина шифокорлар ва муҳим соҳалардаги мутахассисларнинг ишлашига рухсат берилади.
Май ойида карантин бекор қилингандан бери Озарбайжонда коронавирус юқтирганлар сони ошди. Сўнгги анти-рекорд 3 май куни қайд этилган. Шу куни 325 беморда касаллик аниқланди.
«Беморлар сони кескин ошди. Шу билан бирга, 6 июндан 8 июнгача биз Боку, Сумқайит, Ганжа, Лянкоран шаҳарлари ва Апшерон туманларида қаттиқ карантин режимини жорий қиламиз. Ушбу чора-тадбирларнинг барчаси фуқароларимизнинг саломатлиги ва ҳаётини ҳимоя қилишга қаратилган», - деди Озарбайжон Бош вазири Али Асадов.
Ўтган кун давомида Озарбайжонда 325 та янги ҳолат аниқланди, беш киши вафот этди.
Февраль ойининг охиридан бошлаб Озарбайжонда жами 6 522 коронавирус инфекцияси аниқланди. 78 нафар киши вирусдан вафот этган бўлса, 3737 киши касалликни енгган.
Шойгу уруш тугайдиган “аниқ ва шубҳасиз” санани маълум қилди
Зеленский шуни ёдда тутиши керакки, у Ашраф Ғани каби ёки ундан ҳам баттарроқ бўлиши мумкин
Ўзбекистон тиббиёти оғир жудоликка учради
