Озарбайжон AZAL самолёти ҳалокатидан кейин қозоғистонлик қутқарувчиларни мукофотлади

Уларни Озарбайжон Республикаси Фавқулодда вазиятлар вазири, генерал-полковник Камаледдин Гейдаров тақдирлади, дея хабар беради АЗЕРТАДЖ.

Вазир томонидан имзоланган тегишли фармойишга кўра, қуйидаги қозоғистонлик қутқарувчилар “Ҳамкорлик учун” кўкрак нишони билан тақдирландилар:

• Сейталин Азамат Серикович;
• Аминов Тимур Владимирович;
• Айдаров Кани Манапович;
• Қараев Саясат Мусаевич;
• Кенжеғалиев Мажит Серикбаевич;
• Қулханов Азимбек Шиндаулетович;
• Кузембаев Ербол Ахметович;
• Мендибаев Науризбек Ерланули;
• Нуғуманов Ардақ Қойшибекович;
• Тлеубергенова Айман Минбаевна.

Аввалроқ, воқеа содир бўлган пайтда жасорат кўрсатган 69 нафар қозоғистонлик, жумладан, маҳаллий аҳоли, тиббиёт мутахассислари, ўт ўчирувчилар ва қутқарувчиларга ташаккурномалар ва давлат мукофотлари топширилган эди.

Эслатиб ўтамиз, авиаҳалокат 2024 йилнинг 25 декабрь куни Ақтау яқинида, Боку-Грозний рейсини амалга ошираётган AZAL йўловчи самолёти ҳалокатга учраганида содир бўлган эди. Самолёт бортида 67 киши, жумладан беш нафар экипаж аъзоси бўлган. Табиий офат натижасида 38 йўловчи ҳалок бўлди, 29 киши тирик қолди.