Ўзбекистон терма жамоаси ярим ҳимоячиси Отабек Шукуров фаолиятини Туркиянинг бошқа жамоасида давом эттиришга яқин турибди.
27 ёшли футболчи «Кайсериспор» клуби билан шартнома имзолаши кутилмоқда. Бу ҳақда клуб президенти Али Чамли маълумот берди.
"Биз "Фрозиноне" клуби ҳужумчиси Меҳди Бурабия, ЦСКА София форварди Дукенс Назон ва "Фотиҳ Карагумрук" ярим ҳимоячиси Отабек Шукуров билан келишувга эришдик", — деди Чамли.
«Кайсериспор» клуби Туркия чемпионатининг жорий мавсумида 24 ўйиндан кейин 29 очко билан 13-поғонани эгаллаб турибди.
