Оқ уйнинг янги матбуот котиби Кэти Закария ишдан кетди

Оқ уйнинг янги матбуот котиби Кэти Закария жума куни — лавозимга тайинланганидан бир ҳафта ҳам ўтмай ишдан бўшатилди. Бу ҳақда The New York Times газетаси вазиятдан хабардор учта манбасига асосланиб хабар берди.

Оқ уй ҳам, Закариянинг ўзи ҳам нашрнинг изоҳ сўраб қилган мурожаатларига жавоб бермади.

АҚШ президенти Доналд Трамп журналистларга Закарияга ушбу лавозимда ишлаш қарорини «қайта кўриб чиқишни» маслаҳат берганини айтди. «Тўғрисини айтсам, сенинг ўрнингда бўлганимда, қайта ўйлаб кўрган бўлардим. Кэти, бу сенга керакми? Сенга бу керак деб ўйламайман», — дея Трамп у билан бўлган суҳбатни сўзлаб берди.

Аввалроқ The New York Times Закария ишни муваффақиятсиз бошлагани ҳақида ёзган эди: унинг биринчи ва сўнгги брифинги сешанба куни бўлиб ўтган, шундан сўнг у адвокатлик лицензиясини олиш учун имтиҳон топширмагани ҳолда, ўзини ҳуқуқшунос қилиб кўрсатган-кўрсатмагани борасида саволлар пайдо бўлган.