Оқ Уй яқинида Трампнинг вертолётига лазер нурини йўналтирган эркак қўлга олинди

Оқ Уй яқинида Трампнинг вертолётига лазер нурини йўналтирган эркак қўлга олинди, бу вертолётнинг ҳалокатига сабаб бўлиши мумкин эди — NBC News.

Суд ҳужжатларга кўра, 20 сентябр куни Жейкоб Самюел Уинклер исмли шахс Оқ уй яқинида учиб кетаётган Marine One вертолёти томон лазер кўрсаткичини йўналтирган. Ушбу вертолёт Қўшма Штатлар президентига хизмат кўрсатади. Уинклер дарҳол АҚШ Махфий хизмати томонидан қўлга олинган. Сўроқ чоғида у вертолётга лазер йўналтирганини тан олган, бироқ бу ҳаракат тақиқланганини билмаганини айтган.

"Унга беш йилгача қамоқ жазоси ва 250 минг доллар миқдорида жарима таҳдид солмоқда. АҚШда бундай ҳаракатлар федерал даражадаги оғир жиноят ҳисобланади", дея хабар бермоқда NBC News.

Ҳозирча бу ҳодиса Marine One учувчисига қандай таъсир қилгани номаълум. Шунингдек, воқеа вақтида Доналд Трамп вертолётда бўлган-бўлмаганлиги ҳам аниқ эмас.