Оқ уй қирол Чарлз III ва президент Трампнинг суратини "ИККИ ҚИРОЛ" ёзуви билан эълон қилди

АҚШ маъмурияти томонидан Буюк Британия қироли Чарлз III ва қиролича Камиллани расмий кутиб олиш маросимида олинган ва Оқ уйнинг Х ижтимоий тармоғидаги расмий саҳифасида эълон қилинган суратда АҚШ президенти Доналд Трамп ва қирол Оқ уй майсазорида тургани акс этган.

"Президент Трамп монархия рамзларига биринчи марта мурожаат қилаётгани йўқ. 2025 йилда у ўзининг ижтимоий тармоғида сунъий интеллект ёрдамида яратилган видеони эълон қилган эди. Унда Трамп бошида тож билан “Қиролларга йўқ!” (“No Kings!”) деган плакатларни кўтариб олган америкалик намойишчилар устидан қирувчи самолётда учиб ўтиб, уларни нажас билан бомбардимон қилаётгани тасвирланганди", дея қайд этади Reuters.

Айни дамда Буюк Британия қироли Чарлз III ва қиролича Камилла АҚШда бўлиб, бу Британия монархининг Қўшма Штатларга 2007 йилдан буён илк марта бориши саналади.