"Олтиннинг биржадаги нархи тарихда биринчи марта бир унция учун 4400 доллардан ошиб, навбатдаги рекордни янгилади. 22 декабр куни олтиннинг спот нархи 4420 га етди, шундан сўнг у бироз пасайди. Йил бошидан буён олтин 68 фоиздан кўпроққа қимматлашди, бу 1979 йилдан бери энг юқори кўрсаткич", дея хабар бермоқда нашр.
"Кумуш ва платина каби бошқа қимматбаҳо металлар нархи ҳам ошди. Бугун кумуш нархи бир унция учун рекорд даражага етди — 69,44 доллар, платина эса 17 йиллик энг юқори кўрсаткични янгилади — 2072,01 доллар", деб ёзмоқда Reuters.
Bloomberg'нинг қайд этишича, нархларнинг ошиши геосиёсий кескинликнинг кучайиши ва АҚШ Федерал захира тизими (ФЗТ) фоиз ставкаларини пасайтиришда давом этиши кутилмалари фонида содир бўлди. Трейдерлар ФЗТ 2026 йилда ставкаларни икки марта пасайтиришини кутишмоқда. АҚШ президенти Доналд Трамп ҳам пул-кредит сиёсатини юмшатиш тарафдори.
Goldman Sachs банки таҳлилига кўра, олтинга бўлган талабни қўллаб-қувватловчи яна бир омил иқтисодий турбулентликка қарши туриш, АҚШ долларига қарамликни камайтириш ва портфелларни диверсификация қилиш учун бутун дунё бўйлаб марказий банклар томонидан ўзларининг жисмоний олтин захираларини тўлдиришдир.
Таҳлилчилар бу тенденция 2026 йилда ҳам давом этишини тахмин қилмоқда. Нархларга АҚШ долларининг заифлашиши ҳам таъсир кўрсатди, бу эса чет эллик харидорлар учун металлни арзонлаштирди.
Россиянинг “таслим бўлиш” таклифи ҳақида маълум қилинди
Қобилжонни ким ўлдирди? Россияда содир этилган мудҳиш қотилликнинг асл айбдори айтилди
Россия дарҳол ҳарбий ҳаракатларни тўхтатишга тайёр,
