Олтин нархи 2026 йилда қанчага ошиши мумкин?

Олтин нархи рекорд даражада кўтарилди, таҳлилчилар 2026 йилда унинг унцияси 5000 долларгача ошишини тахмин қилмоқда — Reuters

Бугун CОМЕХ қимматбаҳо металлар биржасида олтиннинг бир унцияси (31,1 грамм) учун 4100 долларга етди, бу тарихдаги энг юқори кўрсаткичдир.

Bank of America олтин нархининг ўсиши фонида 2026 йил кутилмаларини янгилади. Банкнинг қайд этишича, келаси йилда олтин нархи бир унцияси учун 5000 долларгача кўтарилиши мумкин.

"Олтин нархининг ўсиши Франциядаги сиёсий инқироз ҳамда АҚШ президентининг Хитой билан янги савдо урушини бошлаш ҳақидаги таҳдидлари фонида инвесторларнинг олтин сотиб олишга бўлган талабининг ортиши билан изоҳланмоқда", дея ёзмоқда Reuters.