Олмаотадаги мактаб ўқувчилари Қозоғистоннинг Гиннес рекордлар китобига киритилди. Тоғизқумалак куни муносабати билан 2000 дан ортиқ олмаоталик ўқувчилар бир вақтнинг ўзида тоғизқумалак ўйинини ўйнашди.
Шунингдек, тадбир давомида Олмаота шаҳри тоғизқумалак интеллектуал ўйини пойтахти этиб танланди. Бу ҳақда Бутунжаҳон ва Республика Тоғизқумалак федерацияси президенти Алихон Байменов маълум қилди.
2020 йилда UNESCO қарори билан тоғизқумалак инсониятнинг маданий мероси рўйхатига киритилган, деб хабар беради tengrinews.kz.
